Kattaqo'rg'on tuman Qoradaryo Oilaviy shifokorlik punktida deputat tashabbusi bilan chuqurlashtirilgan tibbiy ko‘rik o‘tkazildi

Bugun Kattaqo‘rg‘on tuman tibbiyot birlashmasiga qarashli Qoradaryo Oilaviy shifokorlik punktida aholi va bolalar uchun chuqurlashtirilgan tibbiy ko‘rik o‘tkazildi.

Ko‘rikda Xalq deputatlari Samarqand viloyati Kengashiga 31-Saroyqo'rg'on okrugi deputati Nargiza Yarmuxammedova rahbarligida 15 nafar oliy toifali stomatolog, 18 nafar oliy toifali tor sohadagi shifokorlar, shuningdek tibbiyot fanlari nomzodlari va professor-dotsentlardan iborat mutaxassislar guruhi ishtirok etdi.

Tadbir doirasida tumandagi 54 ta maktabning 131 nafar 1-sinf o‘quvchisi chuqurlashtirilgan tibbiy ko‘rikdan o‘tkazildi. Shuningdek, Qoradaryo mahallasidagi 310 nafar aholi to‘liq tibbiy ko‘rikdan o‘tdi.

Bundan tashqari, voyaga yetib kelayotgan maktab o‘quvchilariga sog‘lom turmush tarzi haqida tushunchalar berildi hamda turli mavzularda tayyorlangan 230 ta buklet tarqatildi.

⚡️ @sam_vil_deputatlari