“Chiqindilar to‘g‘risida”gi Qonun ijrosi muhokama qilindi

Xalq deputatlari tuman Kengashining navbatdagi 33-sessiyasida O‘zbekiston Respublikasining “Chiqindilar to‘g‘risida”gi Qonuni ijrosini o‘rganish va muhokama qilish yuzasidan masala ko‘rib chiqildi.

Sessiyada doimiy komissiya a’zosi Esanbay Omonmuratovich Babayev tomonidan mazkur Qonun talablari ijrosi, tumanda chiqindilarni boshqarish va hududlarda sanitariya-obodonlashtirish ishlarining holati yuzasidan axborot berildi.

Muhokama davomida chiqindilarni to‘g‘ri boshqarish, hududlarning tozaligini ta’minlash, ekologik madaniyatni oshirish hamda qonun talablariga rioya etish bo‘yicha amalga oshirilishi lozim bo‘lgan vazifalarga e’tibor qaratildi.