Joriy yilning 28-yanvar kuni Senatda “Mahalliy Kengashlarning doimiy komissiyalari faoliyatini to‘g‘ri va samarali tashkil etish” mavzusida seminar tashkil etildi.

    Unda Senatning Sud-huquq masalalari va korrupsiyaga qarshi kurashish qo‘mitasi aʼzolari va Hududiy vakillik organlari faoliyatini o‘rganish markazi, ekspertlar, mahalliy Kengashlarning korrupsiyaga qarshi kurashish va xavfsizlik masalalari bo‘yicha doimiy komissiyalari raislari, kotibiyat mudirlari hamda OAV vakillari ishtirok etdi.

   Mahalliy Kengashlarni tizimlashtirish va funksiyalarini kengaytirish maqsadida ularning davlat va jamiyat boshqaruvidagi rolini kuchaytirish, mahalliy davlat hokimiyatini yangicha konstitutsiyaviy-huquqiy sharoitlarda yo‘lga qo‘yish, mahalliy davlat hokimiyati organlari faoliyatida “Kuchli Kengash, hisobdor va tashabbuskor hokim” tamoyilini ilgari surish yuzasidan qonunchilik hujjatlarini takomillashtirish bo‘yicha qator ishlar amalga oshirildi.