НОГИРОНЛИГИ БЎЛГАН ШАХСЛАР ҲУҚУҚЛАРИНИ ТАЪМИНЛАШ БОРАСИДАГИ ИШЛАР ЎРГАНИЛДИ
Халқ депутатлари Янгиқўрғон тумани Кенгашининг 5-Заркент сайлов округи депутати Бўтаев Комилжон Охунович томонидан ўзи сайланган округ ҳудудидаги Заркент маҳалласида ногиронлиги бўлган шахсларни ижтимоий қўллаб-қувватлаш, уларнинг қонуний ҳуқуқ ва манфаатларини таъминлаш борасида амалга оширилаётган ишлар ўрганилди.
Ўрганиш жараёнида ногиронлиги бўлган фуқароларнинг турмуш шароити, ижтимоий хизматлардан фойдаланиш имкониятлари, реабилитация воситалари билан таъминланиши, бандлигига кўмаклашиш ҳамда улар учун тўсиқсиз муҳит яратиш масалаларига алоҳида эътибор қаратилди.
Шунингдек, ногиронлиги бўлган шахсларнинг ҳуқуқлари ва қонуний манфаатларини ҳимоя қилишга қаратилган қонунчилик ҳужжатлари талабларининг маҳалладаги ижроси муҳокама қилиниб, мавжуд муаммо ва эҳтиёжлар ўрганилди.
Фуқаролар билан мулоқот давомида уларнинг таклиф ва мурожаатлари тингланиб, ҳал этилиши лозим бўлган масалалар тегишли масъуллар билан биргаликда кўриб чиқиш учун белгилаб олинди.
Ўрганишда аниқланган масалаларнинг ижроси депутатлик назоратига олинди.