Xalq deputatlari Sardoba tumani Kengashi kotibiyati bosh mutaxassisi L.Toshquvvatov hamda tuman deputatlari
N. Xamidova va J.Umarovlar tomonidan tuman sport maktabi faoliyati o‘rganildi.
Tashrif davomida muassasada yoshlar uchun yaratilgan shart-sharoitlar, sport inshootlarining holati, mashg‘ulotlar sifati va sportchilarning natijalari bilan yaqindan tanishildi.
O‘rganishlar jarayonida sport maktabida muayyan ijobiy ishlar amalga oshirilayotgani qayd etilgan bo‘lsa-da, ayrim yo‘nalishlarda hal etilishini kutayotgan masalalar ham mavjudligiga e’tibor qaratildi.
Jumladan, sport inventarlaridan samarali foydalanish, moddiy-texnik bazani yana-da mustahkamlash, iqtidorli yoshlarni saralab olish va ularni yuqori bosqich musobaqalariga tayyorlash ishlarini kuchaytirish zarurligi ta’kidlandi.
Shuningdek, mashg‘ulotlar samaradorligini oshirish va sportchilarning natijadorligi yuzasidan mas’ullarning shaxsiy javobgarligini kuchaytirish bo‘yicha taklif va tavsiyalar berildi.
Tuman kengashi deputatlari sport sohasida erishilayotgan yutuqlar bilan bir qatorda mavjud kamchiliklarni bartaraf etish, yoshlar uchun yana-da keng imkoniyatlar yaratish va sohada natijadorlikni oshirish muhim vazifa ekanligini ta’kidladilar.
Sport maktablari faoliyatida sifat va samaradorlikni ta’minlash esa doimiy deputatlik nazoratida bo‘lishi qayd etildi.