Uchrashuv davomida mahalladagi kriminogen vaziyat, huquqbuzarliklar profilaktikasi hamda kiberjinoyatchilikning oldini olish borasida amalga oshirilayotgan ishlar muhokama qilindi. Ta’kidlanganidek, Qavola mahallasi jinoyatchilikdan xoli hudud sifatida e’tirof etilib, bu boradagi ijobiy natijalarni saqlab qolish yuzasidan hamkorlikdagi ishlar davom ettirilmoqda.

Shuningdek, fuqarolarga "Huquqbuzarliklar profilaktikasi to‘g‘risida"gi, "Kiberxavfsizlik to‘g‘risida"gi hamda "Jismoniy va yuridik shaxslarning murojaatlari to‘g‘risida"gi qonunlarning mazmun-mohiyati yuzasidan tushuntirishlar berildi. Internet tarmog‘ida firibgarlikning oldini olish, shaxsiy ma’lumotlarni himoya qilish, bank kartalari rekvizitlarini begona shaxslarga bermaslik hamda kiberjinoyatlardan himoyalanish bo‘yicha amaliy tavsiyalar taqdim etildi.

Deputat B.Rahmonov fuqarolarni turli firibgarlik holatlariga aldanib qolmaslikka, shubhali qo‘ng‘iroqlar va havolalarga ishonmaslikka hamda qonunchilikda belgilangan xavfsizlik qoidalariga qat’iy rioya etishga chaqirdi.

Uchrashuv yakunida mahallada huquqbuzarliklarning oldini olish, fuqarolarning huquqiy ongi va kiberxavfsizlik madaniyatini yuksaltirishga qaratilgan targ‘ibot ishlarini izchil davom ettirish bo‘yicha kelishuvga erishildi.

️ Xalq deputatlari Samarqand shahar Kengashi