Xalq deputatlari Pastdarg‘om tuman Kengashining Mahalliy budjet, tadbirkorlikni rivojlantirish va iqtisodiy masalalar bo‘yicha doimiy komissiyasi yig‘ilishi bo‘lib o‘tdi.

Yig‘ilishda tumandagi ehtiyojmand oilalar yashayotgan xonadonlarni energiya tejamkor qilib ta’mirlash hamda ushbu maqsadlar uchun mahalliy budjet mablag‘larini ajratish masalasi muhokama qilindi.

Muhokama davomida energiya samaradorligini oshirish, aholi uchun qulay yashash sharoitlarini yaratish, energiya resurslari sarfini kamaytirish hamda ijtimoiy himoyaga muhtoj oilalarni qo‘llab-quvvatlashga qaratilgan chora-tadbirlar yuzasidan mutasaddilarning axborotlari tinglandi.

Komissiya a’zolari tomonidan ajratiladigan mablag‘larning maqsadli va samarali sarflanishini ta’minlash, ehtiyojmand oilalarni tanlashda shaffoflikka rioya etish hamda amalga oshiriladigan ishlar ustidan deputatlik nazoratini kuchaytirish bo‘yicha taklif va tavsiyalar bildirildi.