Xalıq deputatları Bozataw rayonlıq Keńesiniń Korrupciyaǵa qarsı gúresiw, sociallıq taraw, jaslar siyasatı, mádeniyat hám sport máseleleri boyınsha turaqlı komissiyasınıń májilisi bolıp ótti.

Májiliste kún tártibine "Jámiyette hayal-qızlarǵa basım hám zorlıqqa shıdamsızlıq ortalıǵın jaratıw, hayal-qızlardıń huqıq hám nızamlı máplerin támiyinlew" boyınsha rayonlıq "Shańaraq" hám hayal-qızlar bóliminiń 2026-jıldıń 5 ayı dawamında alıp barǵan jumısları haqqındaǵı esabatı tıńlandı.

Esabatta hayal-qızlardıń huqıqların qorǵaw, shańaraqlarda salamat ortalıqtı qáliplestiriw, zorlıq-zombılıqtıń aldın alıw, profilaktikalıq ilajlardı kúsheytiw, múrájatlar menen islesiw hám tiyisli mákemeler menen óz-ara birge islesiwdi jolǵa qoyıw boyınsha ámelge asırılǵan jumıslar tallandı.

Turaqlı komissiya aǵzaları tárepinen esabat boyınsha pikirler bildirilip, anıqlanǵan máselelerdi sheshiw, profilaktikalıq jumıslardı jáne de jetilistiriw, hayal-qızlardıń huqıq hám nızamlı máplerin qorǵawǵa qaratılǵan ilajlardı kúsheytiw boyınsha tiyisli usınıs hám tapsırmalar berildi.

Májilis juwmaǵında kún tártibindegi másele boyınsha tiyisli komissiyanıń qararı qabıl etildi.