✅ Urganch tumanini kompleks rivojlantirish dasturi doirasida hudud turizmi yangi bosqichga olib chiqilmoqda. Xususan, Komiljon Otaniyozov mahallasi hududidan oqib o‘tuvchi daryo bo‘yidagi 35 gektar maydonda zamonaviy «Eko-turizm» zonasi barpo etilyapti.

🏅Bugun Xalq deputatlari Xorazm viloyati Kengashi kotbiyati mudiri U.Kuryazov hamda Urganch tumani Kengashi kotbiyati mudiri D.Iskandarovalar mazkur yirik loyihaning borishi va qurilish-obodonlashtirish jarayonlarini joyiga chiqqan holda o‘rgandilar.

🔍 Loyiha doirasida nimalar kutilmoqda?

🌳 Yashil hududlar va dam olish maskanlari: Daryo bo‘yining tabiiy go‘zalligi saqlangan holda, aholi va sayyohlar uchun qulay eko-muhit yaratiladi.

🏕 Zamonaviy infratuzilma: Kempinglar, suv bo‘yidagi piyodalar yo‘laklari va milliy uslubdagi hordiq chiqarish maskanlari quriladi.

💼 Yangi ish o‘rinlari: Loyiha ishga tushishi bilan mahalliy aholi, ayniqsa xotin-qizlar va yoshlar uchun o‘nlab yangi doimiy ish o‘rinlari yaratiladi.

⚠️ Muhim talab: Kengash kotbiyati mudirlari tomonidan loyihaning sifatli va o'z vaqtida bajarilishi, eng muhimi — hududning tabiiy eko-tizimiga zarar yetkazmagan holda ish tashkil qilinishi bo‘yicha mas’ullarga ko‘rsatma va tavsiyalar berildi.

✅ Bu kabi loyihalar Urganch tumanini vohadagi eng diqqatga sazovor va gavjum turizm maskanlaridan biriga aylantirishga xizmat qiladi.