Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Adolat” sotsial-demokratik partiyasidan saylangan deputat B.Kamalov tomonidan aholini qiynab kelayotgan kommunal sohadagi muammolar tumanning “Barraj” mahallasida “xonadonbay” o‘rganish ishlari olib borildi.

🔺O‘rganishlar davomida fuqarolar bilan suhbatlashilib, ularning ichimlik suvi, elektr energiyasi va tabiiy gaz ta’minoti bo‘yicha murojaatlari tinglandi. Ayrim hududlarda ichimlik suvi bosimining pastligi, suv ta’minotida uzilishlar kuzatilayotgani, elektr tarmoqlarining eskirganligi sababli kuchlanishning me’yorda emasligi hamda ayrim xonadonlarda gaz bosimi pastligi bilan bog‘liq muammolar mavjudligi aniqlandi.

🔺Deputat tomonidan har bir murojaat yuzasidan tegishli ma’lumotlar yig‘ilib, muammolarni hal etish uchun mas’ul tashkilotlar va kommunal xizmat ko‘rsatuvchi korxonalar vakillari ishtirokida amaliy choralar belgilab olindi. Xususan, elektr tarmoqlarini modernizatsiya qilish, nosoz transformator punktlarini ta’mirlash, suv tarmoqlaridagi avariyaviy holatlarni bartaraf etish hamda gaz ta’minoti bilan bog‘liq muammolarni hal qilish yuzasidan mas’ullarga tegishli tavsiya va topshiriqlar berildi.

🔺Shuningdek, aholiga kommunal xizmatlardan foydalanish madaniyati, mavjud muammolar bo‘yicha murojaat qilish tartibi hamda davlat dasturlari doirasida amalga oshirilayotgan ishlar haqida tushuntirishlar berildi.