Oliy Majlis Qonunchilik palatasi deputati boshchiligida tibbiy xizmatlar sifati yuzasidan o‘rganish o‘tkazildi

O‘zbekiston Respublikasi Oliy Majlisi Qonunchilik palatasi deputati Odiljon Karimovich Iminov hamda O‘zbekiston Xalq demokratik partiyasi Surxondaryo viloyat Kengashi raisi, viloyat Kengashi deputati A.Pardayev xalq deputatlari Qiziriq tumani Kengashi kotibiyati mudiri K.Muhammadiyev va O‘zbekiston Xalq demokratik partiyasi Qiziriq tuman Kengashi raisi Y.Umbarov hamrohligida tumanda aholiga ko‘rsatilayotgan tibbiy xizmatlar sifatini oshirish borasida amalga oshirilayotgan ishlar hamda aholining tibbiy xizmatlardan qoniqish darajasini o‘rgandilar.

O‘rganish davomida tumandagi tibbiyot muassasalarining faoliyati, moddiy-texnik bazasi, raqamlashtirish jarayonlari, shuningdek, aholiga ko‘rsatilayotgan tibbiy xizmatlar holati atroflicha tahlil qilindi.

Dastlab, tuman tibbiyot birlashmasi bosh vrachi o‘rinbosari S.Xolmamatov hamrohligida tuman tez tibbiy yordam bo‘limi faoliyati bilan tanishildi. Bo‘limning mavjud infratuzilmasi, bemorlarga xizmat ko‘rsatish uchun yaratilgan sharoitlar hamda tibbiy jihozlar bilan ta’minlanganlik darajasi o‘rganildi.

Shuningdek, mas’ullar tomonidan aholiga sifatli va tezkor tibbiy xizmat ko‘rsatish, tibbiyot muassasalarining moddiy-texnik bazasini yanada mustahkamlash hamda sohaga zamonaviy axborot texnologiyalarini keng joriy etish yuzasidan amalga oshirilayotgan ishlar muhokama qilindi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram