Xalq deputatlari Pastdarg‘om tuman Kengashi deputati X.Sulaymonova tomonidan Yangiobod mahallasida aholi bilan uchrashuv o‘tkazilib, fuqarolarni qiynayotgan muammolar va murojaatlar o‘rganildi.
Uchrashuv davomida kommunal xizmatlar, yo‘llar ta’miri, bandlik, ijtimoiy qo‘llab-quvvatlash hamda yoshlar va xotin-qizlarga oid masalalar yuzasidan fikr-mulohazalar tinglandi.
Har bir murojaat atroflicha o‘rganilib, mas’ul tashkilotlar bilan hamkorlikda amaliy yechimlar belgilab olindi.
Fuqarolar bilan ochiq muloqot qilish, ularning dardu tashvishlarini eshitish va muammolarni joyida hal etish — xalq manfaatlariga xizmat qilishning muhim yo‘nalishidir.