Xalıq deputatları Bozataw rayonlıq Keńesi sekretariatı baslıǵı A.Ibragimov, hám máhálle puqaralar jıyın baslıqları qatınasıwında  Májilis bolıp ótti.
“Aymaqlardı rawajlandırıw hám xalıqtıń mashqalaların sheshiwde jergilikli Keńesler deputatları hám senatorlardıń "máhálle jetiligi" menen óz-ara birge islesiwin jáne de bekkemlew kúsheytiw ilajları haqqında”ǵı Ózbekstan Respublikası Oliy Majlisi Senatı Keńesiniń 2025-jıl 14-yanvar kúngi KQ-35-V-sanlı qararı tastıyıqlandı.

Májilis dawamında usı qarardıń 2 bántinde, xalıq penen sóylesiw procesinde kóterilgen, sektor, "máhálle jetiligi" tárepinen usınılǵan mashqalalı máseleler sessiyalarda dodalanıwın jolǵa qoyıw hámde mákan puqaralar jıyını Keńesi májilisinde mámleketlik uyımlar wákilleriniń, mákan puqaralar jıyınında (puqaralar wákilleri jıynalısında) "mákan jetiligi" aǵzalarınıń esabatların tıńlawda tiyisli máhállege biriktirilgen jergilikli Keńes deputatınıń qatnasıwın jolǵa qoyıw boyınsha máhálle baslıqları menen sáwbetlesiwler ótkerildi.

Tiyisli aymaqtı rawajlandırıwǵa qaratılǵan baǵdarlamalardıń orınlanıwın nátiyjeli qadaǵalaw jáne máhállelerdegi mashqalalardı sheshiwge járdemlesiw baǵdarında jergilikli Keńes deputatlarınıń "máhálle jetiligi" menen birge islesiwin jolǵa qoyıw boyınsa rejede belgilengen ilajlardıń óz waqtında hám sapalı orınlanıwı ústinen qadaǵalaw ornatıw hám ámeliy járdem kórsetip barıw, máhállelerde puqaralardı qabıllawdı shólkemlestiredi hám "máhálle jetiligi" sheńberinde sheshiletuǵın máseleler boyınsha tiyisli ilajlardı belgilep beriw boyınsha usınıslar bildirildi.

Májilis juwmaǵında awıl puqaralar jıyınına baslıqlarına biriktirilgen xızmetkerlerdiń aymaqta islewi zárúr bolǵan maqsetli rejeleri boyınsha rayonlıq Keńesi sekretariatı tárepinen kitapshalar tarqatıldı.