Xalq deputatlari Jondor tumani Kengashi kotibiyati mudiri I.Xolov va bosh mutaxassis J.Norovlar tomonidan “Jondor” mahallasida faoliyat yuritayotgan soliq inspektorining zimmasiga yuklatilgan vazifalarni amalga oshirish holati tahlil qilindi.

           O‘rganish jarayonida mahallada soliq tushumlarini oshirish, tadbirkorlik subyektlari faoliyatini qonuniy yuritilishiga ko‘maklashish, norasmiy bandlikni qisqartirish hamda aholi bilan ishlash samaradorligi yuzasidan amalga oshirilayotgan ishlar ko‘zdan kechirildi.

           “Jondor” mahallasida joriy yilda aholidan olinadigan yer va mol-mulk soliq to‘lovchilari 987 ta ni tashkil qilib, 513 mln so‘mlik soliq to‘lanishi belgilangan. Bugungi kungacha soliq tushumlalari 182 mln so‘mni tashkil qilgan.

           Shuningdek, soliq inspektori tomonidan fuqarolar murojaatlari bilan ishlash, yangi tadbirkorlik subyektlarini aniqlash va ularni ro‘yxatdan o‘tkazishga ko‘maklashish borasidagi faoliyatiga ham alohida e’tibor qaratildi.

           Bu borada 4 ta yangidan umumiy ovqatlanish va xizmat ko‘rsatish shaxobchalari tashkil qilinib, 17 nafar fuqaro ish bilan ta’minlangan. Shuningdek, 3 ta yakka tartibda savdo faoliyati ko‘rsatuvchi tadbirkorlar yangidan soliq to‘lovchi sifatida ro‘yxatga olingan. Joriy yilda yer va mol-mulk soliq to‘lovchilari bo‘yicha 23 mln qo‘shimcha manba aniqlangan.

           Tahlil davomida mavjud muammolar va ularni bartaraf etish bo‘yicha tegishli tavsiya hamda takliflar bildirildi. Deputatlar tomonidan hududda iqtisodiy faollikni yanada oshirish, soliq madaniyatini mustahkamlash va aholi bandligini ta’minlash yuzasidan mas’ullarga tegishli ko‘rsatmalar berildi.