O‘zbekiston “Milliy tiklanish” demokratik partiyasi vakillari Xalq deputatlari Sardoba tumani Kengashi kotibiyati mudiri Q. O‘tayev bilan hamkorlikda Sardoba tumani markazidagi maktabgacha va maktab ta’limi bo‘limida bo‘lib, bolalarga yaratilgan shart-sharoitlarni yaqindan o‘rgandilar.

O‘rganish jarayonida muassasadagi ta’lim-tarbiya muhiti, bolalar uchun yaratilgan qulayliklar, moddiy-texnik baza, o‘quv xonalarining jihozlanishi hamda sanitariya-gigiyena holati atroflicha ko‘zdan kechirildi. Shuningdek, ta’lim sifatini oshirishga qaratilgan ishlar va bolalarning har tomonlama rivojlanishi uchun yaratilgan imkoniyatlarga alohida e’tibor qaratildi.

O‘rganish natijalariga ko‘ra, mavjud yutuqlar bilan bir qatorda ayrim kamchiliklar aniqlanib, ularni bartaraf etish bo‘yicha mas’ullarga tegishli tavsiya va topshiriqlar berildi. Mazkur o‘rganish ishlari ta’lim muassasalarida shart-sharoitlarni yana-da yaxshilash va bolalarga sifatli ta’lim berishni ta’minlashga xizmat qiladi.