Xalq deputatlari Bekobod shahar Kengashining 21-“Hamid Olimjon” saylov okrugidan saylangan Ekologiya partiyasi deputati Z.Turdibekova Hamid Olimjon mahallasi hududidagi “Mehnatobod” ichki ko‘chalarining holatini atroflicha o‘rgandi. Xususan,
ichki yo‘llarning ta’mirtalabligi, ularning aholiga qulaylik yaratish darajasi, shuningdek, kanalizatsiya tizimini barpo etish va uni samarali yo‘lga qo‘yish masalalari batafsil ko‘zdan kechirildi. O‘rganish jarayonida mavjud muammolar, ularning kelib chiqish sabablari hamda ularni bartaraf etish bo‘yicha zarur chora-tadbirlar yuzasidan tegishli tashkilotlar bilan hamkorlik qilish
zarurligi ta’kidlandi. Deputat tomonidan hudud infratuzilmasini yaxshilash, aholining turmush sharoitlarini yanada yuksaltirish hamda ekologik holatni barqarorlashtirishga qaratilgan aniq taklif va tavsiyalar ilgari surildi.