#Deputat_faoliyati 

Xalq deputatlari tuman Kengashi deputati B. Kulbuldiyev tashabbusi bilan Ko‘ktepa mahallasida davlat-xususiy sheriklik (DXSh) asosida zamonaviy maktabgacha ta’lim muassasasi qurilish ishlari amalga oshirilmoqda.

Ushbu loyiha mahallada maktabgacha ta’lim tizimini rivojlantirish, bolalarni sifatli ta’lim va tarbiya bilan qamrab olish hamda ota-onalar uchun qulay sharoit yaratishga qaratilgan bo‘lib, qurilish ishlari belgilangan reja asosida izchil davom etmoqda. 

Muassasa zamonaviy talablarga javob beradigan infratuzilma, bolalar uchun qulay va xavfsiz sharoitlar hamda ta’lim jarayonini samarali tashkil etish uchun zarur jihozlar bilan ta’minlanishi ko‘zda tutilgan.

Mazkur maktabgacha ta’lim muassasasi ishga tushirilgach, unda 100 nafar bolalarga sifatli ta’lim-tarbiya berish yo‘lga qo‘yiladi. Shu bilan birga, loyiha doirasida 20 nafar mahalliy fuqarolarning doimiy ish bilan ta’minlanishi ham rejalashtirilgan bo‘lib, bu hududda bandlikni oshirish va ijtimoiy-iqtisodiy barqarorlikni mustahkamlashga xizmat qiladi.

🔰Bizni ijtimoiy tarmoqlarda kuzating:

Telegram (https://t.me/Payariqkengashkotibiyati) | Veb-Sayt| (https://kengash.gov.uz/news?region_id=7&authority_id=377) Facebook (https://www.facebook.com/share/1CUpgvKLYL/)|instagram (https://www.instagram.com/xalq_deputatlari_kengash/)