Termiz tumanida doimiy komissiyalarning qo‘shma yig‘ilishi bo‘lib o‘tdi

Bugun xalq deputatlari Termiz tuman Kengashining ikki muhim yo‘nalishdagi doimiy komissiyalari — Ijtimoiy soha, yoshlar siyosati, madaniyat va sport masalalari hamda Agrar, suv xo‘jaligi masalalari va ekologiya bo‘yicha doimiy komissiyalarining navbatdagi yig‘ilishi o‘tkazildi.

Yig‘ilish kun tartibida tuman aholisining ijtimoiy farovonligi va hududni rivojlantirishga oid dolzarb masalalar ko‘rib chiqildi.

Hisobotlar va muhokama:

Yig‘ilish davomida mas’ul rahbarlarning amalga oshirilgan ishlar yuzasidan hisobotlari tinglandi:

F. Abjalov (Termiz tumani hokimi o‘rinbosari) — 2026-yilning birinchi choragida “Yoshlarga oid davlat siyosati

to‘g‘risida”gi O‘zbekiston Respublikasi qonunning ijrosi yuzasidan tumanda amalga oshirilgan ishlar va kelgusidagi vazifalar to‘g‘risida ma’lumot berdi.

A. Qaxxorov (“Termiztumangaz” ta’minoti korxonasi boshlig‘i) —Aholi va ijtimoiy soha ob’ektlarini tabiiy va suyultirilgan gaz bilan uzluksiz ta’minlash borasidagi chora-tadbirlar bo‘yicha hisobot berdi.

Muhim: Komissiya a’zolari tomonidan hisobotlar tanqidiy-tahliliy ko‘rib chiqilib, mavjud muammolarni bartaraf etish va kelgusidagi vazifalar yuzasidan tegishli qarorlar qabul qilindi.

Deputatlar har bir masalaning ijrosi yuzasidan o‘z takliflarini bildirib, soha mutasaddilariga aniq muddatli topshiriqlar berishdi.