Usı jıldıń 24-aprel kúni Taxtakópir rayonı 6-sanlı "E.Utambetov" saylaw okrugine ÓzLiDeP partiyasınan saylanǵan deputat Sagindikova Aynagul Djubatxanovna "Garezsizlik" MPJ aymaǵında "Kishi biznes - úlken imkaniyatlar" atamasında ushırasıw ótkerdi. Ushırasıwda mámleketimiz tárepinen isbilermenlikti rawajlandırıwǵa keń imkaniyatlar jaratılǵanlıǵı, isbilermenlik penen shuǵıllanaman degenlerge subsidiyalar hám ssudalar ajıratılıp atırǵanlıǵı, túrli tarawlar kesiminde barlıq sharayatlar jaratılǵanlıǵı haqqında túsinikler berildi. Sonday-aq, jaslar bántligi boyınsha da pikir alısıp, qızıǵıwshılıǵı joqarı óziniń isbilermenligin baslayman degen jaslar bolsa deputat járdem beriwge tayar ekenin aytıp ótti.