Xalq deputatlari Jondor tumani Kengashiga 23-Ko‘liyon saylov okrugidan saylangan deputat U.Ro‘ziyev hamda tuman Kengashi kotibiyati mudiri I.Xolov, bosh mutaxassis R.Murodovlar “Hazorman” mahallasida bo‘lib, saylovchilar bilan uchrashuv o‘tkazdilar.

✔️Uchrashuv davomida aholini qiynayotgan muammolar, ijtimoiy-iqtisodiy masalalar va ularni hal etish yuzasidan takliflar muhokama qilindi. Shuningdek, mahallada yoshlar bilan olib borilayotgan ishlarga alohida e’tibor qaratilib, yoshlar yetakchisi tomonidan amalga oshirilayotgan tadbirlar samaradorligi hamda yoshlar bandligini ta’minlash borasidagi hisobot tinglandi.

✔️Muloqot jarayonida yoshlarni ish bilan ta’minlash, ularni kasb-hunarga o‘rgatish va bo‘sh vaqtlarini mazmunli tashkil etish yuzasidan amalga oshirilayotgan ishlar ijobiy baholandi. Shu bilan birga, mavjud muammolarni bartaraf etish bo‘yicha tegishli mas’ullarga aniq topshiriqlar berildi.

✔️Uchrashuv ochiq va samimiy ruhda o‘tib, saylovchilar murojaatlari yuzasidan tuman elektr ta’minoti korxonasi rahbari O.Usmonov nomiga deputat so‘rovi yuborildi.