Xalq deputatlari Jondor tumani Kengashi kotibiyati mudiri I.Xolov hamda kotibiyat bosh mutaxassisi R.Murodovlar tumandagi “Guliston” oilaviy shifokorlik punktida bo‘lib, aholiga ko‘rsatilayotgan tibbiy xizmatlar sifati va o‘z vaqtida tibbiy yordam ko‘rsatish holatini o‘rgandilar.

✔️Tashrif davomida tibbiyot muassasasida bemorlarni qabul qilish jarayonlari, dori-darmon ta’minoti, tibbiy jihozlar holati hamda tibbiyot xodimlarining faoliyati ko‘zdan kechirildi. Shuningdek, aholi bilan muloqot qilinib, ularga ko‘rsatilayotgan tibbiy xizmatlar yuzasidan fikr va takliflari tinglandi.

✔️O‘rganishlar natijasida bir qator ijobiy ishlar amalga oshirilayotgani qayd etildi. Shu bilan birga, tibbiy xizmatlar sifatini yanada oshirish bo‘yicha tegishli tavsiyalar berildi.

✔️Mas’ullar tomonidan aholiga sifatli va o‘z vaqtida tibbiy xizmat ko‘rsatishni ta’minlash ustuvor vazifalardan biri ekani ta’kidlandi.