Aniqlangan muammo:

Shahardagi Bekho MFY, Guliston 3-ko‘chasida istiqomat qiluvchi 40 ga yaqin xonadonlar ichimlik suvi quvuri 950 metr uzunlikda yaroqsiz holatga kelgan.

So‘nggi 3 oy mobaynida aholi o‘z imkoniyatlari bilan quvur ta’mirini 8 marotaba amalga oshirgan, ammo 10 kundan buyon quvur yana teshilgan.

Quvurlar 1974 yilda o‘rnatilgan bo‘lib, hozirgi paytda umuman yaroqsiz.

Fuqarolar Samarqand suv ta’minoti MCHJga bir necha bor murojaat qilgan, so‘nggi marotaba 1 oy oldin xodim “muammoni bartaraf etishga va’da berib ketgan”, ammo muammo hal etilmagan.

   Deputat so‘rovi:

Fazliddin Gʻaybullayev yuqoridagi muammoni bartaraf etishda amaliy yordam berishni, shu jumladan ko‘chadagi 950 metr ichimlik suvi quvurlarini almashtirishni so‘radi.