Ózbekstan Respublikası Prezidentiniń “Kitap oqıw mádeniyatın rawajlandırıw hám xalıq arasında kitap oqıwǵa qızıǵıwshılıqtı arttırıw ilajları haqqında”ǵı PQ-9-sanlı qararınıń Qaraózek rayonı aymaǵında orınlanıw barısı boyınsha ámelge asırırlıp atırılǵan jumıslar úyrenildi. 

Xalıq deputatları Qaraózek rayonlıq Keńesi janında dúzilgen jaslar másláhát toparı aǵzaları hám sekretariat baslıǵı Q.Jaqsımuratov tárepinen rayonlıq málimleme kitapxana orayında (https://t.me/qaraozekrmko) ámelge asırılıp atırılǵan jumıslar barısı úyrenildi.

Qaraózek rayonlıq málimleme kitapxana orayında búgingi kún halatına jámi 24 334 (https://t.me/qaraozekrmko) dana kitap fondı bolıp, kitapqumarlar 6856 adamdı quraydı. Sonnan 30 jasqa shekemgi jaslar sanı 4169 quraǵan. 

Sekretariat baslıǵı Q.Jaqsımuratov hám jaslar másláhát toparı aǵzaları taraw wákilleri menen birge kitapqa bolǵan qızıǵıwshılıqtı elede arttırıw maqsetinde deputatlar menen aymaqlarda úgit-násiyat jumısların shólkemlestiriw hám Ózbekstan Respublikası Prezidentiniń PQ-9-sanlı qararında belgilengen wazıypalardıń orınlanıwı boyınsha rayonlıq mákeme, shólkemlerde úyreniw jumısların alıp barıw belgilep alındı.