Bugun xalq deputatlari Shahrisabz tumani Kengashining bir guruh faol deputatlari — S.Abdunazarova, N.Razzoqova hamda Kengash kotibiyati bosh mutaxassisi A.Sa'dullayevlar tumandagi xonadonlarda bo‘lib, aholining tomorqadan foydalanish madaniyatini ko‘zdan kechirdilar.

O‘rganishlar davomida har bir qarich yerdan unumli foydalanish, nafaqat oila farovonligi, balki barqaror daromad manbai ekanligi hayotiy misollar bilan tushuntirildi. Ta’kidlanganidek, tomorqa — bu xazinadir, undan to‘g‘ri foydalangan xonadon nafaqat o‘z ehtiyojini qoplaydi, balki bozorlarimiz to‘kinligiga ham munosib hissa qo‘shadi.