Hazortut MFYda chiqindilarni o'z vaqtida olib chiqish nazorati 18-saylov okrugi deputati M.Jumayeva tomonidan olib borilmoqda. Aholi uchun toza va obod muhit yaratish, chiqindilarni yig'ish jarayonini muntazam nazorat qilish hamda fuqarolarni tozalik madaniyatini oshirish maqsadida tushuntirish ishlari joriy. Chiqindilarni yig'ishda uzilishlar aniqlanib, bularni bartaraf etish bo'yicha mas'ul tashkilotlarga ko'rsatmalar berilgan.Cocoon AI Summary

Hazortut mahallasida chiqindilarni o’z vaqtida yig’ish va olib chiqish ishlari   18-saylov okrugi deputati M.Jumayeva  tomonidan muntazam ravishda nazorat qilib borilmoqda. Mahalla aholisi uchun toza, sog’lom va obod muhit yaratish, sanitariya holatini muntazam nazorat qilish maqsadida chiqindilarni belgilangan grafik asosida olib chiqish jarayoni atroflicha o’rganildi.

O’rganishlar davomida chiqindilarni yig’ish va tashishda maxsus xizmatlar faoliyati, texnikalarning holati va konteynerlar yetarliligiga alohida e’tibor qaratildi. Shuningdek, chiqindilarni yig’ish joylarining sanitariya holati, ularning aholi uchun qulay joylashuvi va boshqaruv tizimi ham baholandi. Ayrim hududlarda chiqindilarni o’z vaqtida olib chiqishda uzilishlar ham aniqlanib, ularni bartaraf etish bo’yicha mas’ul tashkilotlarga aniq ko’rsatmalar berildi.

Mahalla aholisining ham faol ishtiroki muhim ekani ta’kidlandi. Fuqarolarga chiqindilarni belgilangan joylarga tashlash, chiqindilarni ajratib tashlash va sanitariya qoidalariga qat’iy rioya qilish bo’yicha tushuntirish ishlari olib borilmoqda. Bu tadbirlar mahallada fuqarolarning tozalik madaniyatini oshirish, atrof-muhitni asrab-avaylashga undash maqsadini ham ko’zlaydi.

Deputat nazorati orqali Hazortut MFYda chiqindilarni o’z vaqtida olib chiqish va sanitariya holatini yaxshilash bo’yicha ishlar doimiy ravishda amalga oshirilmoqda. Bu esa mahalla aholisi uchun nafaqat sog’lom muhit, balki jamoaviy tartib va madaniy odobning namoyon bo’lishiga xizmat qiladi. Kelgusida ham mahalla obodligi va tozaligi ustuvor vazifa sifatida e’tiborda bo’ladi, chiqindilarni yig’ish tizimi yanada samarali va muntazam tarzda yo’lga qo’yildi.