#deputatlik_faoliyati #deputat_hududlarda

Xalq deputatlari Andijon shahar Kengashi deputati M.Xakimova Andijon shahridagi Obod MFY hududida amalga oshirilayotgan muhim infratuzilmaviy ishlar bilan yaqindan tanishdi.

Tashrif davomida mahallada olib borilayotgan obodonlashtirish ishlari, yo‘llarni ta’mirlash, ichimlik suvi va elektr ta’minotini yaxshilash ishlar ko‘zdan kechirildi. Aholi uchun qulay sharoitlar yaratish, yashash muhitini yanada yaxshilashga qaratilgan mazkur loyihalarning borishi deputat tomonidan alohida e’tibor bilan o‘rganildi.

Shuningdek, M.Xakimova mahalla fuqarolari bilan suhbatlashib, ularning fikr va takliflarini tingladi. Bildirilgan muammolarni bosqichma-bosqich hal etish, mavjud kamchiliklarni bartaraf etish yuzasidan tegishli mutasaddilarga tavsiyalar berildi.

Mazkur tashrif hudud infratuzilmasini yanada rivojlantirish, aholining turmush farovonligini oshirish hamda mavjud muammolarni tizimli ravishda hal etishga xizmat qiladi.