Xalq deputatlari Bo‘ston tumani Kengashi deputati B.Soliyeva tomonidan tuman Kengashining navbatdagi sessiya kun tartibiga kiritilgan O‘zbekiston Respublikasi Prezidentining 2023 yil 27 sentyabrdagi “Maktabgacha ta’lim sohasida davlat-xususiy sheriklikni yanada qo‘llab-quvvatlashga oid qo‘shimcha chora-tadbirlar to‘g‘risida”gi PQ-316-sonli qarori ijrosi yuzasidan o‘z saylov okrugidagi ta’lim tashkilotlarida olib borilayotgan tizimli ishlar nazorat tartibida o‘rganildi.

O‘rganishlar davomida:

🏫 davlat-xususiy sheriklik asosida tashkil etilgan maktabgacha ta’lim tashkilotlari faoliyati;

👶 bolalarni qamrab olish darajasi va ta’lim sifati;

🤝 xususiy sektor ishtirokini kengaytirish bo‘yicha amalga oshirilayotgan ishlar;

📊 ajratilgan mablag‘lar va yaratilgan shart-sharoitlar holati atroflicha tahlil qilindi.

Aniqlangan ayrim kamchiliklar yuzasidan mutasaddi tashkilotlarga tegishli tavsiyalar berildi hamda aniq vazifalar belgilab olindi.