Aprel oyida Xalq deputatlari Ishtixon tuman Kengashi tomonidan hududni ijtimoiy-iqtisodiy rivojlantirish, aholi muammolarini hal etish va olib borilayotgan islohotlar ijrosini ta’minlashga qaratilgan qator muhim masalalar ko‘rib chiqiladi.

🔹 Jumladan, tuman hokimi o‘rinbosarlarining mahallalar kesimida quyidagi yo‘nalishlar bo‘yicha hisobotlari eshitiladi:

– “Mahallani rivojlantirish va jamiyatni yuksaltirish yili” dasturi hamda “O‘zbekiston — 2030” strategiyasining ijrosi;

– ichimlik suvi, elektr energiyasi, issiq suv ta’minoti va energiya samaradorligini oshirish ishlari;

– tabiiy va suyultirilgan gaz ta’minoti holati;

– kanalizatsiya tizimini yaxshilash bo‘yicha olib borilayotgan ishlar;

– kuz-qish mavsumiga tayyorgarlik, ayniqsa ijtimoiy soha obyektlaridagi holat;

– avtomobil yo‘llarini qurish va ta’mirlash ishlari;

– bandlikni ta’minlash va ishsizlikni kamaytirish choralari;

– bozorlar va narx-navolar barqarorligi;

– sog‘liqni saqlash tizimi, tez tibbiy yordam va bepul tibbiy xizmatlar sifati;

– maktabgacha va maktab ta’limi tizimini rivojlantirish;

– xotin-qizlarni qo‘llab-quvvatlash va ularning huquqlarini himoya qilish;

– qonunlar va Kengash qarorlarining ijrosi.

🔹 Shuningdek:

– tuman Iqtisodiyot va moliya bo‘limi tomonidan mahalliy byudjet ijrosi va qo‘shimcha daromad manbalari yuzasidan hisobot;

– suv resurslarini boshqarish va suv tejovchi texnologiyalarni joriy etish holati;

– ekologiya va atrof-muhitni muhofaza qilish yo‘nalishidagi ishlar;

– deputat so‘rovlariga o‘z vaqtida javob berish masalalari muhokama qilinadi.

🌱 “Yashil makon” umummilliy loyihasi doirasida hududlarni ko‘kalamzorlashtirish, iqlim o‘zgarishining oldini olish hamda suv resurslaridan samarali foydalanish ustidan qat’iy nazorat davom ettiriladi.

📝 Bundan tashqari:

– sessiya kun tartibidagi masalalar doimiy komissiyalarda dastlabki tarzda ko‘rib chiqiladi;

– saylovchilar bilan uchrashuvlar tashkil etiladi;

– amalga oshirilayotgan islohotlar yuzasidan OAVda materiallar e’lon qilinadi.

📊 Aprel oyi davomida Kengash faoliyati ochiqlik, shaffoflik va aholi manfaatlarini ta’minlash tamoyillari asosida olib boriladi.