Usı jıldıń 24-29-mart kúnleri aralıǵında Surxandárya wálayatında sporttıń futbol túrinen “Mektepke shekemgi hám mektep bilimlendiriwi ministri kubogi” jarısları ótkerildi.

Bul jarısta Bozataw rayonı 10-sanlı ulıwma orta bilim beriw mektebiniń qızlar komandası belsene qatnasıp, sıylı 2-orındı iyelep “Damas” avtomashinası hám 200 mln.swm aqshalay sıylıq penen sıylıqlanǵan edi.

Usı múnasibet penen sportshı qızlardıń úlken jeńisi menen qutlıqlaw maqsetinde ótkerilgen bul ilajǵa Xalıq deputatları Bozataw rayonlıq Keńesi sekretariat baslıǵı «ÓzMTDP» aǵzası,1-sanlı «Palwash ataw» saylaw okruginen deputat A.Ibragimov, «ÓzXDP» aǵzası, 6-sanlı «Andijan» saylaw okruginen deputat SH.Berdaxov hám «ÓzLiDeP» aǵzası, 9-sanlı «Dawıtkól» saylaw okruginen deputat G.Bekbosınovalar qatnastı.

Bunda shıǵıp sóylewshiler sportshı qızlardıń jetiskenligi menen qızǵın qutlıqlap, aldaǵı jarıslarda mol tabıslar tiledi. Bunnan soń, spotshılar hám olardıń trenerlerine rayon hákimligi tárepinen tayarlanǵan minnetdarshılıqlar saltanatlı túrde tapsırıldı.