Xalq deputatlari Karmana tumani Kengashi deputati Jo'rayev Alijon Doniyorivich Uyrot, Yangiobod va Do'rman mahallalarida ichki ko‘chalardan chiqindilarni olib chiqish holatini atroflicha o‘rgandi.

Monitoring jarayonida aholining ichki ko‘chalarga chiqindilar olib chiqilmasligi bo‘yicha murojaatlari tinglandi. Deputat Jo'rayev aholiga O‘zbekiston Respublikasi Vazirlar Mahkamasining 2019‑yil 6‑fevraldagi “Chiqindilar bilan bog‘liq ishlarni amalga oshirish sohasidagi normativ‑huquqiy hujjatlarni tasdiqlash to‘g‘risida”gi qarori asosida tushuncha berdi. Qaror chiqindilarni belgilangan joylarda va belgilangan vaqtda olib chiqish tartibini, shuningdek, xizmat ko‘rsatish shartlari va mas’ul tashkilotlarning vazifalarini belgilaydi.

Shu asosda deputat aholiga chiqindilarni tartibli chiqarish va maxsus xizmatlar tomonidan olib ketilishini ta’minlash tartibi bo‘yicha tushuntirish berdi. Bu tadbir hududlarda sanitariya holatini yaxshilash va atrof-muhitni toza saqlashga qaratilgan.

Xalq deputatlari monitoring tashriflari hududdagi muammolarni joyida aniqlash, aholiga tushuntirish ishlari olib borish va amaliy yechimlar ishlab chiqishda muhim ahamiyat kasb etadi.