Mindonoboddagi
muammolar — nazoratda, yechimlar yo‘lga qo‘yilmoqda 

🔹 Davlat rahbari va Senat qarorlari
ijrosini ta’minlash doirasida Mindonobod MFYda amaliy o‘rganish ishlari olib borildi.
Unda deputat D. Karimov va mutaxassis A. Eminjonov bevosita hududga chiqib, aholi
muammolarini joyida o‘rgandilar. 

🔹
O‘rganishlar davomida eng og‘riqli masalalardan biri — elektr ta’minotidagi muammolar
ekani ochiq-oydin namoyon bo‘ldi. Aholi soni ortib borayotgan bir sharoitda mavjud infratuzilma talabga javob
bermayotgani qayd etildi. 

🔹 Xususan, “O‘zbekiston ovozi” ko‘chasida
yuzlab xonadonlar elektr ta’minotida qiyinchiliklarga duch kelayotgani, qo‘shimcha
transformator, tayanch ustunlari va yoritish vositalariga ehtiyoj yuqori ekani aniqlandi. 

🔹 Muammolarni kechiktirishga o‘rin
yo‘q. Masalani zudlik bilan hal etish, moliyalashtirish manbalarini jalb qilish
va aniq amaliy choralar ko‘rish bo‘yicha mas’ul tashkilotlarga deputatlik so‘rovlari
yuborishga kelishildi. 

🔹 Eng muhimi — masala to‘liq hal
etilgunga qadar qat’iy nazorat o‘rnatildi. Bu — aholi dardi eshitilayotgani va har
bir muammo yechim sari harakatlanayotganining amaliy ifodasidir.