Bugun O‘zLiDeP Qamashi tuman Kengashi “Yoshlar qanoti” tashabbusi bilan tuman Ma’naviyat va ma’rifat markazida tadbirkor, fermer va ishbilarmon xotin-qizlar ishtirokida davra suhbati o'tkazildi.

Tadbirda tuman Kengashi deputatlari, Savdo-sanoat palatasining tuman bo‘limi vakillari, tijorat banklari xodimlari hamda mahalliy tadbirkorlar qatnashib, kreativ iqtisodiyotni rivojlantirishda yoshlar va xotin-qizlarning o‘rni haqida fikr almashdilar.

Uchrashuv davomida “Kreativ iqtisodiyot sari” loyihasining maqsad va vazifalari, innovatsion g‘oyalar, yangi biznes tashabbuslari uchun qulay imkoniyatlar va mavjud moliyaviy qo‘llab-quvvatlash tizimlari — xususan 2025- yil 14-fevraldagi PQ-60-son qarori asosidagi imtiyozlar haqida batafsil ma’lumot berildi.