Hududlarda aholining turmush darajasini yaxshilash, ijtimoiy adolatni ta’minlash va davlat islohotlarining samarasini joylarda amalga oshirishda mahalliy Kengash deputatlarining ishtiroki tobora muhim ahamiyat kasb etmoqda. Shu maqsadda Xalq deputatlari Ulug‘nor tumani Kengashi deputatlari tomonidan aholining yashash sharoiti, kommunal infratuzilmaning
holati va kuz-qish mavsumiga tayyorgarlik jarayonlari atroflicha o‘rganildi. 

O‘rganishlar davomida fuqarolar tomonidan bildirilgan muammolar deputatlik korpusi e’tiboriga olindi. Har bir murojaat amaldagi davlat siyosatining “inson qadri uchun” tamoyiliga mos ravishda ko‘rib chiqilib, joylardagi ijtimoiy muammolarni tezkor hal etish maqsadida tegishli tashkilotlar bilan hamkorlik yo‘lga qo‘yildi. Deputatlarning faol ishtirokida olib borilayotgan bu jarayon, bir tomondan, aholi manfaatlarini ifoda etish va hududiy rivojlanishni ta’minlashda mahalliy o‘zini o‘zi boshqarish organlarining nufuzini oshirsa, ikkinchi tomondan, davlatning ochiqlik va samarali muloqotga asoslangan yangi siyosiy madaniyatini mustahkamlashga xizmat qilmoqda.