DEPUTATLIK NAZORATI

Xalq deputatlari Sherobod tumani Kengashining 4-Uch yog‘och - Qarabog‘ saylov okrugidan saylangan deputati Xashimova Karomat Pakirovna tomonidan “Qarabog‘” mahalla fuqarolar yig‘inidagi ijtimoiy xodim faoliyati yuzasidan deputatlik nazorati amalga oshirildi.

Tashrif davomida aholining ijtimoiy ehtiyojmand toifalariga ko‘rsatilayotgan xizmatlarning sifati, kam ta’minlangan oilalarga ijtimoiy nafaqalar va moddiy yordamlarni tayinlash hamda ularni o‘z vaqtida yetkazib berish jarayonlari atroflicha o‘rganildi.

Shuningdek, murojaatlar bilan ishlash tartibi, hujjatlarning yuritilishi, yordamga muhtoj fuqarolar ro‘yxatining shakllantirilishi va nazorat mexanizmlarining to‘g‘ri yo‘lga qo‘yilganligi bo‘yicha mutasaddi xodimlarga tegishli tavsiyalar berildi.

Mazkur deputatlik nazoratining asosiy maqsadi — aholiga ko‘rsatilayotgan ijtimoiy xizmatlar sifatini yanada oshirish, shaffoflikni ta’minlash va ijtimoiy himoyaga muhtoj fuqarolarning manfaatlarini to‘liq himoya qilishdan iboratdir.