Ózbekstan Respublikası Oliy Majlisi Senatı Keńsesi aymaqlıq wákillikli uyımları iskerligin úyreniw orayınıń 2025-jıl
13-yanvar kúngi 22-22/162-sanlı xatında kórsetilgen reje grafigine tiykar, Xorezm walayatı rayon (qala) Keńesleri deputatları hám sekretariat xizmetkerlerinen ibárat delegaciya Qaraqalpaqstan Respublikasında saparda boldı.
Maqset - Xalıq deputatları jergilikli Keńesleriniń jumısı menen tanısıw hám óz-ara tájiriybe almasıw.
Delegaciya Taxtakópir rayonında bolıp, «Beltaw» elatında, «Tax-tóbe» etno awılında Xalıqaralıq etno-mádeniy festivaldıń ashılıw saltanatına qatnastı.
Bunnan soń Xalıq deputatları Taxtakópir rayonlıq Keńesi sekretariatı xizmetkerlerine ajratılǵan xanalar hámde jaratılǵan sharayatlar menen, sonday aq Keńes jumısı menen jaqınnan tanıstı.
Qaraqalpaqstan Respublikası Joqarģı Keńesiniń Jergilikli hákimiyattıń wákillikli hám puqaralardıń ózin-ózi basqarıw uyımları hám de mámleketlik uyımlardıń ashıqlıģın támiyinlew máseleleri komiteti baslıǵı Sh.Ótemisov miymanlarǵa Taxtakópir rayonı, onıń tariyxı hám búgingi kúni, bar imkaniyatları haqqında maǵlıwmatlar berdi.