O‘zbekiston Respublikasi Oliy Majlisi Senati Kengashining 2025-yil 13-yanvardagi KQ-33-V-sonli qarori ijrosini ta’minlash maqsadida Xalq deputatlari Sirdaryo viloyati Shirin shahar kengashi kotibiyatini mudiri Mastura Salimova kotibiyat mutaxassislari
bilan birgalikda Bekobod shahar kengashi kotibiyati faoliyati bilan tanishib, o‘zaro tajriba almashdilar. Jumladan, O‘zbekiston Respublikasi Oliy Majlisi Senati tomonidan qabul qilingan qarorlar va ularning ijrosi, ish yuritish hujjatlari, sessiya hujjatlarini tayyorlanishi va qarorlarning bajarilishi yuzasidan monitoring olib borilishi, deputatlarning saylovchilar bilan uchrashuvi va “Deputatlik so‘rovi”, ommaviy axborot vositalarida chiqishlar yuzasidan foydali maslahatlar berildi. Shuningdek, Kengash faoliyatini moddiy-texnik ta’minoti, xonalarning mavjudligi va jihozlanishi holatlari ham ko‘zdan kechirildi. Uchrashuv yakunida ish faoliyatini samaradorligini yanada oshirish va o‘zaro tajriba almashish bo‘yicha yaqindan hamkorlik olib borishga kelishildi.