Joriy yilning 14-noyabr kuni Yangiobod tuman hokimligida ta’lim muassasalari rahbarlari bilan “Taʼlim muassasalarida korrupsiyaning oldini olish va unga qarshi kurashning maʼnaviy-maʼrifiy asoslari” mavzusida navbatdagi yig‘ilish bo‘lib o‘tdi. 

Yig‘ilishda Xalq deputatlari Yangiobod tuman Kengashi kotibiyati mudiri V.Xasanov, tuman hokimi o‘rinbosarlari M.To‘rayev va A.Nishonov, Tuman Iqtisodiyot va moliya bo‘limi boshlig‘ining birinchi o‘rinbosari B.Normatov, shuningdek, Maktabgacha va maktab ta’limi bo‘limiga qarashli ta’lim muassasalari rahbarlari ishtirok etdilar. 

Tadbir davomida korrupsiyaning salbiy oqibatlari, unga qarshi kurashishning huquqiy asoslari, ochiqlik va shaffoflikni ta’minlash, manfaatlar to‘qnashuvining oldini olish bo‘yicha amalga oshirilayotgan ishlar yuzasidan batafsil ma’lumotlar berildi. Tizimda profilaktik chora-tadbirlarni kuchaytirish, tamagirlik va suiiste’molchilik holatlarining oldini olish, jamoatchilik nazoratini kengaytirish zarurligi ta’kidlandi. 

Yig‘ilish yakunida mutasaddilarga belgilangan vazifalar ijrosini ta’minlash, korrupsiyaga qarshi kurashishda mas’uliyatni oshirish va bu amaliy natijalarga erishish bo‘yicha tegishli topshiriqlar berildi.