Mahalliy Kengash deputati faoliyatining eng muhim yo‘nalishlaridan biri bo‘lgan aholi bandligi masalasi Xalq deputatlari Bekobod shahar Kengashi deputati K.Shukurov tomonidan shahar Kambag‘allikni qisqartirish va bandlik bo‘limida amalga oshirilayotgan ishlar o‘rganildi. 2025-yilning yanvar-oktabr oylari davomida aholini doimiy va vaqtinchalik, mavsumiy ishlarda
bandligini ta’minlash bo‘yicha belgilangan reja 176,8 foizga bajarilgan bo‘lsada, sohalar kesimida investitsiya loyihalarini ishga tushirish hisobiga ishga joylashtirish 99,1 foizga, qurilish sohasida 95,9 foizga bajarilgan. Shuningdek, shaharda mehnat migratsiyasidan qaytgan 2012 nafar fuqaroning 1911 nafari ishga joylashtirilganligi aniqlandi. 2025-yil oktabr oyi holatiga shaharda kambag‘allik darajasi 5,7 foizni, ishsizlik darajasi 4,8 foizni tashkil qilmoqda. Bu ko‘rsatkich kambag‘allikdan holi hududga aylantirish uchun bajarilishi lozim bo‘lgan ishlar turganligidan dalolat bermoqda.