Davlatimiz rahbarining tibbiyot xodimlari bilan uchrashuvi sog‘liqni saqlash tizimini yanada rivojlantirish yo‘lidagi muhim qadam bo‘ldi. Muloqot davomida aholiga tibbiy xizmat ko‘rsatish sifatini oshirish, profilaktik ishlarni kuchaytirish, zamonaviy texnologiyalarni joriy etish va tibbiyot kadrlarini har tomonlama qo‘llab-quvvatlash masalalari atroflicha muhokama qilindi.

Prezidentimiz tomonidan ilgari surilgan g‘oyalar va topshiriqlar soha vakillariga yangi kuch va mas’uliyat bag‘ishlaydi. Bu tashabbuslar inson salomatligini eng oliy qadriyat sifatida e’tirof etish, sog‘lom turmush tarzini qaror toptirish va tibbiyot tizimini zamon talablariga mos ravishda takomillashtirish yo‘lidagi qat’iy irodani ifodalaydi.

Bugun har bir tibbiyot xodimi xalqimiz farovonligi va kelajagi yo‘lida fidoyilik bilan xizmat qilmoqda. Davlat tomonidan berilayotgan e’tibor va imkoniyatlar esa ularning mehnatini yanada qadrlashga, sohada samaradorlikni oshirishga zamin yaratadi.

Xalq deputatlari Kattaqo‘rg‘on tuman Kengashi deputati Ubaydullo Xusanov