Deputat tomonidan kuz-qish mavsumiga tayyorgarlik o'rganildi.

Bugun Xalq deputatlari Qiziltepa tuman Kengashi deputati M. Muqimova tomonidan Zarmetan mahallasida joylashgan 38-sonli umumta’lim maktabida kuz-qish mavsumiga tayyorgarlik ko‘rish jarayonlari o‘rganildi.

O‘rganish davomida ta’lim muassasasida isitish tizimining holati, sinf xonalarining qish mavsumiga tayyorligi, xavfsizlik talablari, mavjud muammolar va ularning bartaraf etilishi bo‘yicha amalga oshirilayotgan ishlar ko‘zdan kechirildi. Mas’ullarga ayrim kamchiliklarni bartaraf etish bo‘yicha tegishli tavsiyalar berildi.

Deputatning ta’kidlashicha, kuz-qish mavsumi davomida o‘quvchilarning samarali ta’lim olishi uchun qulay va xavfsiz sharoitlar yaratish ustuvor vazifa hisoblanadi.