Bugun Nurobod tuman hokimligida xalq deputatlari Nurobod tuman Kengashining saksoninchi sessiyasi bo‘lib o‘tdi. 

Sessiya kun tartibida tumanda faoliyat olib borayotgan hokim yordamchilarining ish faoliyatidagi muammolar, tumanning ma’muriy-hududiy chegaralarini belgilash, tuman aholisi o‘rtasida is gazidan zaharlanish holatlarining oldini olishga qaratilgan ishlarning holati, tumanda “Temir daftar”ga kiritilib muammolari bartaraf etilgan oilalarni ro‘yxatdan chiqarish hamda ijtimoiy himoyaga muhtoj fuqarolarga “Saxovat va ko‘mak” jamg‘armasidan mablag‘ ajratish to‘g‘risidagi va boshqa masalalar ko‘rib chiqildi.

Xalq vakillari tomonidan tumanning ma’muriy-hududiy chegaralarini belgilash masalasi qizg‘in muhokama qilinib, ushbu masala navbatdagi sessiya ishida qayta ko‘rib chiqilishi belgilandi.