Elektron hukumat tizimi bo‘yicha deputatlik o‘rganishi

Xalq deputatlari Pastdarg‘om tumani Kengashi Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining deputatlari tomonidan hududdagi davlat tashkilotlarida elektron hukumat tizimini rivojlantirish, axborot tizimlaridan samarali foydalanish hamda elektron xizmatlar ko‘rsatish holatini o‘rganish yuzasidan ishlar olib borilmoqda.

💎 O‘rganish jarayonida O‘zbekiston Respublikasi Vazirlar Mahkamasining 2020-yil 16-iyuldagi 444-son qarori talablari asosida tashkilotlarda mavjud axborot tizimlari va elektron resurslarning holatiga e’tibor qaratilmoqda.

💎 Jumladan, axborot tizimlarining Elektron hukumat axborot tizimlari va resurslari yagona reyestriga kiritilganligi, ma’lumotlarning o‘z vaqtida yangilanib borilishi, elektron xizmatlardan foydalanish imkoniyatlari hamda idoralararo elektron hamkorlik masalalari o‘rganilmoqda.

💎 Shuningdek, axborot xavfsizligi, tizimlardan foydalanish samaradorligi, mavjud muammolar va ularni bartaraf etish bo‘yicha ko‘rilayotgan choralar yuzasidan deputatlar tomonidan savollar shakllantirildi va amaldagi ijro holatini o‘rganish belgilandi.

📊 O‘rganish yakunlari bo‘yicha aniqlangan kamchiliklarni bartaraf etish, elektron xizmatlar sifatini oshirish va aholiga qulaylik yaratish yuzasidan tegishli takliflar ishlab chiqiladi.

📍 Deputat nazorati — amaliy natija va fuqarolar manfaatini ta’minlashga xizmat qiladi!