#Doimiy_komissiya_faoliyatidan
#Oylik_Ish_reja_ijrosi
#Ish_reja_ijrosi
19¹-modda
🏫 YANGI MAKTAB QURILISHI O‘RGANILDI

Xalq deputatlari Sherobod tumani Kengashining Reglament va deputatlik odob-axloqi qoidalari masalalari bo‘yicha doimiy komissiyasi raisi, 21-“G‘urjak” saylov okrugi deputati Z.Eshmurodova tomonidan G‘urjak-1 mahallasida O‘zbekiston Respublikasi Prezidentining 2024-yil 28-martdagi PQ-141-son qaroriga muvofiq, Islom taraqqiyot banki ishtirokida amalga oshirilayotgan “Qishloq joylarni kompleks rivojlantirish” loyihasining 2-bosqichi doirasida bunyod etilayotgan 330 o‘quvchi o‘rniga mo‘ljallangan 60-sonli umumita’lim maktabining qurilish jarayoni o‘rganildi.

🔎 O‘rganish davomida maktab binosida olib borilayotgan qurilish-montaj ishlari, yaratilayotgan shart-sharoitlar hamda ta’lim muassasasini foydalanishga topshirishga tayyorgarlik holatiga alohida e’tibor qaratildi.

🏗 Shuningdek, qurilish ishlarining belgilangan talablar asosida olib borilishi, ishlarning sifatli va o‘z vaqtida yakunlanishi masalalari ko‘rib chiqildi.

📌 Maktabning foydalanishga topshirilishi natijasida hududdagi o‘quvchilar uchun zamonaviy va qulay ta’lim olish imkoniyatlari yanada kengayishi ko‘zda tutilmoqda.

🤝 Deputat tomonidan qurilish jarayonini o‘rganish va aniqlangan masalalarni tegishli tashkilotlar bilan hamkorlikda hal etish bo‘yicha ishlar davom ettiriladi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube