#24_ta_masala

Bandixon tumanida deputatlik nazorati: "Limonzor" mahallasida "Mahalla yettiligi" faoliyati va imtiyozli kreditlar samaradorligi o‘rganildi

✅Bandixon tumanida mahallalarni ijtimoiy-iqtisodiy rivojlantirish, kambag‘allikni qisqartirish hamda aholi xonadonlariga daromad manbalarini olib kirish borasida tizimli deputatlik nazorati amalga oshirilmoqda.

✅Xalq deputatlari Bandixon tumani Kengashining 17-Limonzor saylov okrugi deputati S.Shaydilov hamda Kotibiyat xodimi B.Qurbonov "Limonzor" mahallasida bo‘lib, O‘zbekiston Respublikasi Prezidentining 2023-yil 21-dekabrdagi Farmoniga asosan joriy etilgan “Mahalla yettiligi” faoliyatini o‘rgandilar.

✅Monitoring davomida Mahalla raisi hamda Hokim yordamchisi tavsiyasi bilan imtiyozli chorvachilik krediti olgan fuqaro A.Xolboyev xonadonidagi amaliy ishlar ko‘zdan kechirildi. Ajratilgan kredit mablag‘i hisobidan chorvachilik yo‘nalishi yo‘lga qo‘yilgani va oilaviy daromad oshgani ijobiy baholandi.

✅Tashrif yakunida mahalladagi boshqa ehtiyojmand oilalarni ham tadbirkorlik va chorvachilikka yo‘naltirish yuzasidan "Mahalla yettiligi" faollariga tegishli tavsiyalar berildi.