Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat J.Abdixayomova tomonidan tumanning “Aydarali” mahallasida fuqarolar qabuli tashkillashtirildi.

🔻Qabul davomida turli masalalar yuzasidan murojaat qilgan fuqarolarning muammolari tinglanib, har bir murojaatga alohida e’tibor qaratildi. Fuqarolar o‘zlarini qiynayotgan masalalarni bevosita deputatga bayon qilib, ularni hal etishda amaliy yordam so‘radilar. Xususan, qabul jarayonida ijtimoiy yordam ko‘rsatish masalasi bo‘yicha murojaat bildirildi. Murojaatchining ijtimoiy holati, ehtiyojlari va mavjud sharoiti o‘rganilib, amaldagi tartib-qoidalar asosida zarur ijtimoiy ko‘mak turlaridan foydalanish imkoniyatlari yuzasidan tushuntirishlar berildi.

🔻Shuningdek, fuqarolar tomonidan bola puli masalasida ham murojaat bildirildi. Mazkur masala yuzasidan murojaatchining holatini o‘rganish, tegishli hujjatlarni ko‘rib chiqish hamda qonunchilikda belgilangan tartibda amaliy chora ko‘rish zarurligi qayd etildi.

🔻Deputat tomonidan aholi murojaatlarini o‘rganishda fuqaroning ijtimoiy holati va ehtiyojidan kelib chiqib manzilli yondashuv asosida ish olib borish, zarur hollarda ijtimoiy himoya va boshqa mas’ullar bilan hamkorlik qilish bo‘yicha vazifalar belgilab olindi.