#19_1_modda
#tavsiyalar
#qonun_162
#yoshlar_maslahat_guruhi
#deputatlik_nazorati

KOGON SHAHRIDA OBODONLASHTIRISH HOLATI YUZASIDAN DEPUTATLIK O‘RGANUVI OLDIDAN MUHIM QADAM

Mahalliy davlat hokimiyati to‘g‘risida qonunning 19_1-moddasiga asosan, Kogon shahrida obodonlashtirish ishlarini tashkil etish, ichki yo‘llar, ko‘kalamzorlashtirish, tashqi yoritish va sanitariya holatini o‘rganish yuzasidan deputatlik o‘rganuvi uchun maxsus savolnoma ishlab chiqildi.

Bu hali o‘rganishning o‘zi emas. Bu — o‘rganish jarayonini aniq mezonlar asosida, tizimli va manzilli tashkil etish uchun tayyorgarlik bosqichi.

Endilikda savolnomada belgilangan masalalar asosida Kogon shahridagi hududlarning amaldagi holati joyiga chiqqan holda o‘rganiladi.

Ichki yo‘llarning holati qanday? Ko‘kalamzorlashtirish ishlari qay darajada? Ko‘chalar va hududlarning tashqi yoritilishi talabga javob beradimi? Sanitariya va obodonlashtirish ishlari qay darajada tashkil etilgan?

Eng muhimi, mavjud holat shunchaki qayd etilib qolmaydi. O‘rganish davomida aniqlangan muammolar, kamchiliklar va ularni keltirib chiqarayotgan sabablar tahlil qilinib, mas’ullarga tegishli taklif va tavsiyalar beriladi.

Deputatlik o‘rganuvi O‘zbekiston Respublikasi Vazirlar Mahkamasining 2013-yil 10-yanvardagi 4-son “Respublika aholi punktlarini obodonlashtirish ishlarini tashkil etishni takomillashtirish chora-tadbirlari to‘g‘risida”gi qarori talablari asosida olib boriladi.

Savolnoma tayyor. Mezonlar belgilandi. Endi navbat — hududlarni bevosita o‘rganish va haqiqiy holatga baho berishga.

Kogon shahrining obodligi qog‘ozdagi ko‘rsatkichlarda emas, avvalo, ko‘chalar, yo‘llar va mahallalardagi real holatda namoyon bo‘ladi.

Deputatlik nazorati esa ana shu holatni joyiga chiqib, aniq va xolis o‘rganishdan boshlanadi.

Xalq deputatlari
Kogon shahar Kengashi
axborot xizmati

Telegram . Instagram . Facebook . Youtube . E-kengash