O‘rganish davomida mahalla yettiligi tomonidan aholi bilan ishlash, fuqarolar murojaatlarini ko‘rib chiqish, ijtimoiy himoyaga muhtoj oilalarni qo‘llab-quvvatlash, bandlikni ta’minlash hamda hududdagi mavjud muammolarni aniqlash va bartaraf etish borasida amalga oshirilayotgan ishlar holati tahlil qilindi.
Shuningdek, saylovchilar bilan muloqotlar davomida bildirilgan taklif va murojaatlar, hududda yechimini kutayotgan ijtimoiy-iqtisodiy masalalar hamda aholini qiynayotgan muammolar o‘rganib chiqildi.
Aniqlangan muammolar belgilangan tartibda saylov okrugidagi muammolarni ro‘yxatga olish kitobiga qayd etildi hamda ularni mas’ul tashkilotlar va mutasaddilar bilan hamkorlikda bartaraf etish bo‘yicha tegishli choralar belgilab olindi.
Mazkur o‘rganish mahalla yettiligi faoliyati ustidan deputatlik nazoratini kuchaytirish, aholi murojaatlarini joyida o‘rganish va mavjud muammolarni manzilli hal etishga qaratildi.
Xalq deputatlari tuman Kengashi tomonidan hududlarda aholi bilan ochiq muloqotlarni davom ettirish, aniqlangan muammolarning ijrosini nazoratga olish hamda ularning yechimi bo‘yicha amaliy chora-tadbirlarni kuchaytirish ishlari izchil davom ettiriladi.