Andijon pedagogika texnikumida 2026–2027 o‘quv yiliga tayyorgarlik jarayonlari doirasida yangi o‘quvchilar va ularning ota-onalari bilan uchrashuv-muloqot tashkil etildi.

Tadbirda Xalq deputatlari Andijon shahar Kengashi deputati, Andijon pedagogika texnikumi direktori Dilafruz Qurbonova tomonidan kutubxonashunoslik yo‘nalishida tahsil olish istagida bo‘lgan yoshlar bilan ochiq muloqot o‘tkazildi.

Uchrashuv davomida texnikumning ichki tartib-qoidalari, kiyinish madaniyati, yagona maxsus forma talablari, o‘quv va amaliyot jarayonlari, shuningdek, xorijiy tillarni o‘rganish hamda yoshlarning ma’naviy-ma’rifiy tadbirlardagi ishtiroki masalalari yuzasidan tushuntirishlar berildi.

Yoshlarning sifatli ta’lim olishi, kasbiy ko‘nikmalarni egallashi va kelajakda munosib mutaxassis bo‘lib yetishishi uchun yaratilayotgan imkoniyatlar haqida fikr almashildi.