Xalq deputatlari Parkent tuman Kengashi deputatlari tomonidan hududlarni bevosita joyiga chiqib ko‘zdan kechirish, aholi uchun qulay va ozoda muhit yaratish, obodonlashtirish ishlarining samaradorligini oshirish hamda aniqlangan masalalarni hamkorlikda ko‘rib chiqishga qaratilgan ishlar izchil davom ettirilmoqda.Xususan, Xalq deputatlari Parkent tuman Kengashiga 23-“Nomdanak” saylov okrugidan saylangan deputat, tuman hokimi Elmurod Po‘latov hamda tuman Kengashi raisi Faxritdin Dadamatov tomonidan Kengash raisining saylov okrugi hududiga kiruvchi “Choʻqqayma” mahallasidagi Iste'dod ko‘chasida amalga oshirilgan bunyodkorlik va obodonlashtirish ishlari bilan tanishildi. Mazkur ko‘cha aholining tashabbusi va hashar yo‘li bilan obod etilib, hududdagi namunali ko‘chalardan biriga aylantirilgan.Ko‘zdan kechirish davomida mahalla faollari va ko‘cha aholisi bilan samimiy muloqot qilinib,amalga oshirilgan ishlar yuzasidan ularning fikr va takliflari tinglandi.Mazkur hamkorlikdagi tashrif Kengash va hokimiyatning hududlarni obod etish, aholi tashabbuslarini qo‘llab-quvvatlash hamda mahallalarda amalga oshirilayotgan bunyodkorlik ishlariga alohida e'tibor qaratayotganini yana bir bor namoyon etdi.