Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat J.Sadirov, Ma’naviyat va ma’rifat bo‘linmasi rahbari F.Fayzulloyeva va kotibiyat xodimi M.Tursunbayeva tomonlaridan tumanning markaziy “Bog‘i Eram” istirohat bog‘ida olib borilayotgan qurilish-ta’mirlash ishlari o‘rganildi.

O‘rganish davomida qurilish maydonida olib borilayotgan ishlar, obyektning tayyorgarlik darajasi hamda qurilish sifati bilan yaqindan tanishildi. Qurilish ishlarini amalga oshirayotgan “Yuksak Ta’lim Ta’mir” MChJ mas’ullari bilan suhbatlashilib, loyihada belgilangan vazifalarning o‘z vaqtida va sifatli bajarilishi yuzasidan fikr almashdi. Shuningdek, bog‘ hududida aholi uchun qulay dam olish maskanlari, piyodalar yo‘laklari, bolalar o‘yin maydonchalari, yashil hududlar, favvora, amfiteatr hamda zamonaviy infratuzilma obyektlarini barpo etish ishlariga alohida e’tibor qaratildi.

Shuningdek, istirohat bog‘i hududida barpo etilayotgan Ma’naviyat xiyoboni ko‘zdan kechirilib, atoqli yozuvchi va shoirlar haqidagi ma’lumotlar aks ettiriladigan burchaklar ko‘zdan kechirildi. Pudratchilar bilan suhbatlashilib, materiallarining sifati, mehnat xavfsizligi qoidalariga rioya etilishi va belgilangan muddatlarga amal qilinishi masalalari ham ko‘rib chiqildi.